മഹാ കുംഭമേളയില്‍ പുണ്യസ്‌നാനം ചെയ്യുന്ന തരത്തില്‍ എ ഐ ഫോട്ടോ പ്രചരിപ്പിച്ച സംഭവത്തില്‍ നടന്‍ പ്രകാശ് രാജിന്റെ പരാതിയില്‍ പൊലീസ് കേസെടുത്തു. മൈസൂരു ലക്ഷ്മിപുരം പൊലീസാണ് നടന്റെ പരാതിയില്‍ പ്രശാന്ത് സംബര്‍ഗി എന്നയാള്‍ക്കെതിരെ കേസെടുത്തത്.
പ്രകാശ് രാജ് കുംഭ മേള സംഗമത്തില്‍ മുങ്ങി കുളിക്കുന്ന വ്യാജ ചിത്രം എക്‌സ് ഹാന്‍ഡില്‍ വഴി ആയിരുന്നു ഇയാള്‍ പ്രചരിപ്പിച്ചത് .താന്‍ പിന്തുടരുന്ന ആദര്‍ശത്തെയും തന്നെയും അപമാനിക്കാനാണ് പ്രശാന്ത് സംബര്‍ഗി ശ്രമിച്ചതെന്ന് നടന്‍ പരാതിയില്‍ പറയുന്നു. മൈസൂര്‍ സിറ്റി പോലീസ് കമ്മീഷ്ണറെ നേരിട്ട് സമീപിച്ചായിരുന്നു പ്രകാശ് രാജ് പരാതി നല്‍കിയത്.
രാജ്യത്തെ ഒന്നിപ്പിക്കുക എന്നതാണ് മഹാകുംഭമേളയുടെ സന്ദേശം. ആ സമയത്തു പോലും തന്റെ ചിത്രങ്ങള്‍ ഇങ്ങനെ വ്യാജമായി പ്രചരിപ്പിക്കുന്നവര്‍ ലജ്ജിക്കണം എന്ന് പ്രകാശ് രാജ് എക്സില്‍ കുറിച്ചു.
