സൂപ്പര്‍ താരം അജിത് കുമാര്‍ നായകനായി എത്തുന്ന വിടാമുയര്‍ച്ചി. പ്രഖ്യാപനം മുതല്‍ ഏറെ ശ്രദ്ധിക്കപ്പെട്ട സിനിമയുടെ ഓരോ അപ്‌ഡേറ്റുകളും ആവേശത്തോടെയാണ് പ്രക്ഷകരും ആരാധകരും ഏറ്റെടുത്തത്. ഏറെ നാളത്തെ കാത്തിരിപ്പുകള്‍ക്ക് ഒടുവില്‍ ഫെബ്രുവരി 6ന് ചിത്രം തിയറ്ററുകളില്‍ എത്തും.
റിലീസ് അടുക്കുന്തോറും വിടാമുയര്‍ച്ചിയുമായി ബന്ധപ്പെട്ട അഭ്യൂഹങ്ങളും ഊഹാപോഹങ്ങളും ഒക്കെ പുറത്തുവരുന്നുണ്ട്. ഇതിനിടെയാണ് ചിത്രത്തിന്റെ ബജറ്റിനെയും പ്രതിഫലത്തെയും സംബന്ധിച്ച വിവരങ്ങള്‍ വന്നിരിക്കുന്നത്. 200 കോടി മുതല്‍ മുടക്കിലാണ് ഈ ആക്ഷന്‍ ത്രില്ലര്‍ ഒരുക്കിയിരിക്കുന്നത്. ഇതില്‍ പകുതിയോളം രൂപ അജിത്തിന്റെ പ്രതിഫലം ആണെന്നാണ് റിപ്പോര്‍ട്ട് സൂചിപ്പിക്കുന്നത്.
ഫോര്‍ബ്സിന്റെ കഴിഞ്ഞ വര്‍ഷത്തെ റിപ്പോര്‍ട്ട് പ്രകാരം ഒരു ചിത്രത്തിന് 105 കോടി മുതല്‍ 165 കോടി രൂപ വരെയാണ് അജിത്ത് ഈടാക്കുന്നത്. വരാനിരിക്കുന്ന ഗുഡ് ബാഡ് അഗ്ലി എന്ന സിനിമയ്ക്ക് വേണ്ടി അജിത് 163 കോടി കൈപ്പറ്റിയതായും റിപ്പോര്‍ട്ടുണ്ട്.
