പാലക്കാട് എംഎല്എ രാഹുല് മാങ്കൂട്ടത്തിലിനെതിരായ ലൈംഗിക ആരോപണ വിവാദത്തില് ക്രൈംബ്രാഞ്ചിന്റെ എഫ്ഐആറിന്റെ പകര്പ്പ് പുറത്ത്. അഞ്ച് പേരുടെ പരാതികളിലാണ് രാഹുല് മാങ്കൂട്ടത്തിലിനെതിരെ എഫ്ഐആര് രജിസ്റ്റര് ചെയ്തിരിക്കുന്നത്. അഞ്ച് പേരും മൂന്നാം കക്ഷികളാണ്.
രാഹുലിനെതിരെ ബി.എന്.എസ് 78(2), 351 പൊലീസ് ആക്ട് 120 എന്നീ വകുപ്പുകളാണ് ചുമത്തിയിരിക്കുന്നത്. എഫ്ഐആര് കോടതിയില് സമര്പ്പിച്ചു. സ്ത്രീകളെ സോഷ്യല് മീഡിയയില് പിന്തുടര്ന്ന് ശല്യം ചെയ്തെന്നാണ് എഫ്ഐആറില് പറയുന്നത്. ഗര്ഭച്ഛിദ്രത്തിന് നിര്ബന്ധിച്ച് സന്ദേശം അയച്ചെന്നും ഫോണില് സ്ത്രീകളെ ഭീഷണിപ്പെടുത്തിയെന്നും എഫ്ഐആറില് പറയുന്നു.
