സോഷ്യല്‍ മീഡിയയില്‍ നിരവധി ഫോളോവേഴ്‌സ് ഉള്ള ട്രാവല്‍ വ്ളോഗറാണ് അരുണിമ. വിദേശ രാജ്യങ്ങളില്‍ തനിച്ച് യാത്ര ചെയ്യുന്നതിന്റെ അനുഭവങ്ങള്‍ ചിത്രങ്ങളായും റീലുകളായും വീഡിയോകളായും തന്റെ അരുണിമ ബാക്ക്പാക്കര്‍ എന്ന അക്കൗണ്ടിലൂടെയും പേജിലൂടെയും പങ്കുവയ്ക്കാറുണ്ട്. ഇതിനെല്ലാം നിരവധി കാഴ്ചക്കാരുമുണ്ട്.വളരെ മികച്ച അഭിപ്രായങ്ങളും പിന്തുണയുമാണ് കാഴ്ചക്കാരില്‍ നിന്നും ഫോളോവേഴ്‌സില്‍ നിന്നും അരുണിമയ്ക്ക് ലഭിക്കുന്നത്.
എന്നാല്‍ തുര്‍ക്കിയിലൂടെ യാത്ര ചെയ്തപ്പോഴുണ്ടായ ഒരു ദുരനുഭവം പങ്കുവച്ചിരിക്കുകയാണ് അരുണിമ. തുര്‍ക്കിയില്‍ വെച്ച് ഒരു കാറില്‍ ലിഫ്റ്റ് ലഭിച്ചപ്പോള്‍ വാഹന ഉടമ താന്‍ കാണ്‍കെ സ്വയംഭോഗം ചെയ്ത ദുരനുഭവമാണ് അരുണിമ വിവരിക്കുന്നത്. വാഹന ഉടമ തന്റെ സ്വകാര്യ ഭാഗം കാണിക്കുന്നതടക്കമുള്ള വീഡിയോ പങ്കുവച്ചുകൊണ്ടാണ് അരുണിമ തന്റെ ദുരനുഭവം വിവരിച്ചത്.
തുര്‍ക്കിയിലെ നെവ്ഷീര്‍ എന്ന സ്ഥലത്തേക്ക് പോകാന്‍ ലിഫ്റ്റ് നോക്കി നിന്ന് അരുണിമയ്ക്ക് ഏറെ നേരത്തെ കാത്തു നില്‍പ്പിന് ശേഷമാണ് ഒരു ലിഫ്റ്റ് ലഭിക്കുന്നത്. കാറില്‍ കയറിയപ്പോള്‍ ടെ കാറിന്റെ ഡ്രൈവര്‍ അരുണിമയോട് അശ്ലീലം സംസാരിക്കുകയും സ്വയംഭോഗം ചെയ്യാനും തുടങ്ങി. അരുണിമ കാര്‍ ഡ്രൈവറെ ചോദ്യം ചെയ്യുന്നുണ്ടെങ്കിലും അയാള്‍ പ്രവര്‍ത്തി തുടരുകായിരുന്നു. വീഡിയോ എടുക്കരുതെന്നും ഇതിനിടയില്‍ അയാള്‍ പറയുന്നുണ്ടായിരുന്നു. പിന്നീട് ഒരു ഒരു ഫ്യുവല്‍ സ്റ്റേഷനില്‍ അരുണിമയെ ഇറക്കിവിട്ട ശേഷം അയാള്‍ പോയി.
അരുണിമ സോഷ്യല്‍ മീഡിയയില്‍ പങ്കുവച്ച കുറിപ്പ്
'ഒരുപാട് ചിന്തിച്ചതിനുശേഷം ആണ് ഞാന്‍ ഈ ഒരു വീഡിയോ ഇട്ടത്, എന്റെ നല്ലതു മോശവുമായ അനുഭവങ്ങള്‍ ഞാന്‍ സോഷ്യല്‍ മീഡിയയില്‍ ഇടുന്നു. ഈ വീഡിയോ ഇടുമ്പോള്‍ ഒരുപാട് ആളുകള്‍ എന്നെ കുറ്റപ്പെടുത്താനും നെഗറ്റീവ് പറയാനും ഉണ്ടാകുമെന്ന് അറിയാം എന്നിട്ടും ഞാന്‍ ഇട്ടത് ഞാന്‍ എന്തിന് എന്റെ മോശമായ അനുഭവങ്ങള്‍ ആരെയും അറിയിക്കാതെ മറച്ചുവയ്ക്കുന്നു എന്ന് തോന്നിയതുകൊണ്ടാണ്... പിന്നെ ഇന്‍സ്റ്റഗ്രാമില്‍ പൈസ ഒന്നും കിട്ടില്ല വീഡിയോ ഇട്ടാല്‍... യൂട്യൂബില്‍ ആണേല്‍ ഇങ്ങനെയുള്ള വീഡിയോകള്‍ക്ക് മോണിറ്റൈസേഷന്‍ ഉണ്ടാകില്ല... കുറേപേര്‍ റീച്ചിനുവേണ്ടി ഇതൊക്കെ ഇടുന്നു എന്ന് പറഞ്ഞു വരുന്നവര്‍ക്ക് വേണ്ടിയിട്ടുള്ള മറുപടിയാണിത്... ഞാന്‍ എന്തിന് അയാളുടെ വണ്ടിയില്‍ കയറി അതുകൊണ്ടല്ലേ ഇത് സംഭവിച്ചേ എന്ന് പറഞ്ഞു വരും ഒരുപാട് ആളുകള്‍ ഈയടുത്ത് തന്നെ നമ്മുടെ നാട്ടിലെ കെഎസ്ആര്‍ടിസി ബസ്സില്‍ വച്ചു ഇതിന് സമാനമായ അനുഭവങ്ങള്‍ ഒരുപാട് പേര്‍ക്ക് ഉണ്ടായി അതിനെപ്പറ്റി എന്താണ് നിങ്ങളുടെ അഭിപ്രായം??അത് ഒരു പബ്ലിക് ട്രാന്‍സ്‌പോര്‍ട്ടേഷന്‍ ആണ്,അതില്‍ വച്ചാണ് അങ്ങനെ സംഭവിച്ചത്..പിന്നെ ഞാന്‍ യാത്ര ചെയ്യുന്നത് കാണുന്ന വണ്ടികള്‍ എല്ലാം കൈകാണിച്ചു അവര്‍ നിര്‍ത്തുമ്പോള്‍ അതില്‍ കയറിയാണ് പോകുന്നത് അത് അഞ്ചുവര്‍ഷമായി അങ്ങനെ തന്നെയാണ് യാത്രകള്‍ ചെയ്യുന്നത്..'
