തേക്കടി കാണാനെത്തിയ ഇസ്രയേല്‍ സ്വദേശികളായ സഞ്ചാരികളെ അപമാനിച്ച് ഇറക്കിവിട്ട് കടയുടമകള്‍. കരകൗശല വസ്തുക്കള്‍ വില്‍ക്കുന്ന കശ്മീര്‍ സ്വദേശികളാണ് ഇസ്രയേലുകാരെ കടയില്‍ നിന്ന് ഇറക്കി വിട്ടത്
സാധനങ്ങള്‍ വാങ്ങാനെത്തിയവര്‍ ഇസ്രയേല്‍ സ്വദേശികള്‍ ആണെന്നറിഞ്ഞതോടെ അപമാനിച്ച് ഇറക്കിവിടുകയായിരുന്നു. ഇവര്‍ കടയുടമകളോട് തര്‍ക്കുന്നതിനിടെ സമീപത്തെ മറ്റു കടയുടമകള്‍ പ്രശ്നത്തില്‍ ഇടപെട്ടു. വിഷയത്തില്‍ ഇസ്രയേല്‍ സ്വദേശികള്‍ക്കൊപ്പം പ്രദേശവാസികളും നിലകൊണ്ടു. ഇതോടെ കടയുടമകള്‍ പ്രതിഷേധം പിന്‍വലിക്കുകയും ഇസ്രയേല്‍ സഞ്ചാരികളോട് ഇവര്‍ മാപ്പ് പറഞ്ഞ് പ്രശ്‌നം അവസാനിപ്പിക്കുകയായിരുന്നു. സംഭവം കേരളത്തിന് തന്നെ നാണക്കേട് ആയിട്ടുണ്ട്.
