തിങ്കളാഴ്ച പീച്ചി ഡാം റിസര്‍വോയറില്‍ വീണ് അപകടത്തില്‍പ്പെട്ട നാല് പെണ്‍കുട്ടികളില്‍ പതിനാറുകാരി മരണപ്പെട്ടു. തൃശൂര്‍ ജൂബിലി മിഷന്‍ ആശുപത്രിയില്‍ ചികിത്സയിലിരിക്കെയാണ് പട്ടിക്കാട് സ്വദേശി അലീന മരിച്ചത്. സംഭവത്തില്‍ പരിക്കേറ്റ മറ്റ് മൂന്ന് പേരുടെ നില ഗുരുതരമായി തുടരുകയാണ്.
തൃശൂര്‍ മെഡിക്കല്‍ കോളേജിലെ വിദഗ്ധര്‍ ഉള്‍പ്പെടുന്ന പ്രത്യേക മെഡിക്കല്‍ സംഘമാണ് ചികിത്സയ്ക്ക് മേല്‍നോട്ടം വഹിക്കുന്നത്. പരിക്കേറ്റവരില്‍ പട്ടിക്കാട് സ്വദേശികളായ 16 വയസ്സുള്ള ആന്‍ ഗ്രേസ്, ഐറിന്‍, പീച്ചി സ്വദേശിനിയായ 12 വയസ്സുകാരി നിമ എന്നിവര്‍ ഉള്‍പ്പെടുന്നു. ഞായറാഴ്ച റിസര്‍വോയറില്‍ വീണ സുഹൃത്തിനെ രക്ഷിക്കാന്‍ സംഘം ശ്രമിക്കുന്നതിനിടെയാണ് നാലുപേരും വെള്ളത്തില്‍ വീണത്.
ആന്‍ ഗ്രേസ്, ഐറിന്‍, അലീന, നിമ എന്നിവര്‍ നിമയുടെ സഹോദരി ഹിമയുടെ സുഹൃത്തുക്കളായിരുന്നു. പള്ളി പെരുന്നാള്‍ ആഘോഷങ്ങള്‍ക്കായി പീച്ചിയിലേക്ക് പോയതായിരുന്നു സംഘം.
