സൗദി അറേബ്യയിലെ ജുബൈലില്‍ ഇന്ത്യന്‍ പ്രവാസിയെ മകന്‍ കഴുത്തു ഞെരിച്ചു കൊന്നു. യുപി സ്വദേശിയായ ശ്രീകൃഷ്ണ ബ്രിഗുനാഥ് യാദവിനെ (53) മകന്‍ കുമാര്‍ യാദവാണ് കൊലപ്പെടുത്തിയത്.
ശ്രീകൃഷ്ണയാദവ് ജുബൈലിലെ ഒരു പ്രമുഖ കമ്പനിയില്‍ ജോലി ചെയ്തുവരികയായിരുന്നു. കണ്ണുകള്‍ ചൂഴ്‌ന്നെടുത്തും ആക്രമിച്ചുമാണ് കൊന്നതെന്നാണ് പ്രാഥമിക വിവരം
ലഹരിക്കടിമയായിരുന്ന മകനെ ഇതില്‍ നിന്ന് വിമുക്തമാക്കാനുള്ള ശ്രമങ്ങളുടെ ഭാഗമായിട്ടാണ് പിതാവ് സൗദിയിലേക്ക് ഒന്നര മാസം മുമ്പ് കൊണ്ടുവന്നത്. എന്നാല്‍ അച്ഛന്റെ പ്രതീക്ഷകള്‍ക്ക് വിരുദ്ധമായി കുമാര്‍ യാദവ് അതിക്രൂരമായാണ് പിതാവിനെ കൊലപ്പെടുത്തിയത്.
സംഭവസ്ഥലത്തെത്തിയ പൊലീസ് കുമാര്‍ യാദവിനെ കസ്റ്റഡിയിലെടുത്ത് ചോദ്യം ചെയ്തുവരുന്നു. ഇരുവരും ഒരു മുറിയിലായിരുന്നു താമസം എന്നാണ് ലഭ്യമായ വിവരം.
