സ്റ്റീവനേജ്: ഹര്‍ട്ട്‌ഫോര്‍ഡ്ഷയറിലെ പ്രശസ്ത മലയാളി അസ്സോസ്സിയേഷനും, കലാ-കായിക-സാമൂഹ്യ-സാംസ്‌കാരിക മേഖലകളില്‍ ലണ്ടനിലെ പ്രമുഖ സാന്നിദ്ധ്യവുമായ 'സര്‍ഗ്ഗം സ്റ്റീവനേജും', പ്രാദേശിക മേഖലയിലെ പ്രമുഖ ബാഡ്മിന്റണ്‍ ക്ലബ്ബായ 'സ്റ്റീവനേജ് സ്മാഷേഴ്സും' സംയുക്തമായി 'ഓള്‍ യു കെ ഓപ്പണ്‍ മെന്‍സ് ഇന്റര്‍മീഡിയേറ്റ് ഷട്ടില്‍ ബാഡ്മിന്റണ്‍ ടൂര്‍ണ്ണമെന്റ്' സംഘടിപ്പിക്കുന്നു. 'സര്‍ഗ്ഗം-സ്മാഷേഴ്‌സ്' മെന്‍സ് ഡബിള്‍സ് ഷട്ടില്‍ ബാഡ്മിന്റണ്‍ ടൂര്‍ണ്ണമെന്റ് സ്റ്റീവനേജ് 'മാരിയോട്ട്‌സ് ജിംനാസ്റ്റിക്സ് ക്ലബ്ബ്' ഇന്‍ഡോര്‍ സ്റ്റേഡിയത്തില്‍ വെച്ച് മെയ് 31 ന് ശനിയാഴ്ചയാണ് നടത്തപ്പെടുന്നത്. ടൂര്‍ണ്ണമെന്റ് ജേതാക്കള്‍ക്കായി കാത്തിരിക്കുന്നത് കാഷ് പ്രൈസുകളോടൊപ്പം, ട്രോഫികളും, ജേഴ്‌സികളും അടങ്ങുന്ന ആകര്‍ഷകങ്ങളായ സമ്മാനങ്ങളാണ്.
കായിക പ്രേമികളുടെ ഈറ്റില്ലമായ സ്റ്റീവനേജില്‍ നടത്തപ്പെടുന്ന ബാഡ്മിന്റണ്‍ മത്സരമെന്ന നിലയിലും, വലിയ സമ്മാനങ്ങള്‍ നല്‍കുന്ന വേദിയെന്ന നിലയിലും ഈ കായിക മാമാങ്കത്തില്‍ ഭാഗഭാക്കാകുവാന്‍ ആഗ്രഹിക്കുന്ന ടീമുകള്‍ തങ്ങളുടെ അവസരം ഉറ പ്പാ ക്കുന്നതിനായി ഉടന്‍ തന്നെ ഫീസടച്ച് റജിസ്ട്രേഷന്‍ നടപടികള്‍ പൂര്‍ത്തിയാക്കണമെന്ന് സംഘാടകര്‍ അറിയിച്ചു. ആദ്യം പേരുകള്‍ രെജിസ്റ്റര്‍ ചെയ്യുന്ന പത്തു ടീമുകള്‍ക്ക് സ്റ്റീവനേജ് സ്മാര്‍ട്ട് വെയര്‍ ഔട്ഫിറ്റ്‌സ് തയ്യാറാക്കുന്ന മനോഹരമായ ബാഡ്മിന്റണ്‍ ജേഴ്‌സികള്‍ ലഭിക്കുന്നതുമാണ്.
യോനെക്‌സ് മാവിസ് 300 ഗ്രേഡ് പ്ലാസ്റ്റിക്ക് ഷട്ടില്‍ ഉപയോഗിച്ച് നടത്തുന്ന മത്സരത്തില്‍, ഇംഗ്ലണ്ട് ദേശീയ ബാഡ്മിന്റണ്‍ തലത്തില്‍, എ,ബി,സി ലെവല്‍ കാറ്റഗറിയിലുള്ള കളിക്കാരെ പങ്കുചേരുവാന്‍ അനുവദിക്കുന്നതല്ല. മത്സരത്തില്‍ പങ്കെടുക്കുന്ന ഡബിള്‍സ് ടീമംഗങ്ങള്‍ തങ്ങളുടെ ടീം പാര്‍ട്ണറെ നിര്‍ണ്ണയിക്കുമ്പോള്‍ ഇന്റര്‍മീഡിയേറ്റ് മത്സര യോഗ്യതാ നിയമം പാലിക്കേണ്ടതാണ് എന്ന് സംഘാടകര്‍ അറിയിച്ചു. മത്സരങ്ങള്‍ മെയ് 31 നു ശനിയാഴ്ച രാവിലെ ഒമ്പതു മണിക്ക് ആരംഭിക്കുന്നതാണ്.
യു കെ യിലെ ബാഡ്മിന്റണ്‍ ടൂര്‍ണമെന്റുകളില്‍ ഏറ്റവും മികച്ച സമ്മാനങ്ങള്‍ നല്‍കുന്ന 'സര്‍ഗ്ഗം-സ്മാഷേഴ്‌സ്' മത്സരങ്ങളില്‍ 'ഒന്നാം സമ്മാനം 501 പൗണ്ടും ട്രോഫിയും, രണ്ടാം സമ്മാനം 301 പൗണ്ടും ട്രോഫിയും, മൂന്നാം സമ്മാനം 201 പൗണ്ടും ട്രോഫിയും, നാലാം സ്ഥാനം ലഭിക്കുന്ന ടീമിന് ട്രോഫിയും 101 പൗണ്ടും ആണ് സംഘാടകര്‍ വാഗ്ദാനം ചെയ്യുന്നത്.
For More Details :
Manoj John : 07735285036
Tom: 07477183687
Anoob : 07429099050
Tournament Venue:
Marriotts Gymnastics Club , Telford Ave,
Stevenage SG2 0AJ
Appachan Kannanchira
