വാഡ്ഫോഡ് :യു കെ യിലെ മികച്ച ചാരിറ്റി സംഘടനകളിലൊന്നായ കേരള കമ്മ്യൂണിറ്റി ഫൗണ്ടേഷന്റെ ഇത്തവണത്തെ ഓണാഘോഷ പരിപാടിയായ ''പൊന്നോണം2024'' വാട്‌ഫോഡിലെ ഹോളിവെല്‍ കമ്മ്യുണിറ്റി സെന്ററില്‍ വച്ച് നടക്കും.ഇരുപത്തി ഒന്നാം തീയതി ശനിയാഴ്ച രാവിലെ 10 മണിമുതല്‍ വൈകിട്ട് 4.30വരെയാണ് ആഘോഷ പരിപാടികള്‍ നടക്കുന്നത്.കേരള തനിമ വിളിച്ചോതുന്ന നാടന്‍ കലാ വിഭാഗങ്ങളോടെയാണ് പരിപാടികള്‍ക്ക് തിരി തെളിയുന്നത്.കൊച്ചു കുട്ടികള്‍ മുതല്‍ മുതിര്‍ന്നവര്‍ വരെയുള്ളവരുടെ സംഗീത നൃത്ത കലാ വിസ്മയങ്ങള്‍ സദസ്സിന് വേറിട്ട അനുഭവമാകും. യു കെ യിലെ പ്രശസ്ത ഗായകനായ അഭിജിത് യോഗി നയിക്കുന്ന സംഗീത വിരുന്ന് ചടങ്ങുകള്‍ക്ക് മാറ്റ് കൂട്ടും തിരുവാതിര ,സ്‌കിറ്റ് ,മാവേലിയെ സ്വീകരിക്കല്‍,നറുക്കെടുപ്പ്,കായിക മത്സരങ്ങള്‍ തുടങ്ങി ഒട്ടനവധി ഇനങ്ങളാണ് ഇത്തവണത്തെ ആഘോഷ പരിപാടികളില്‍ ഉള്‍പ്പെടുത്തിയിരിക്കുന്നത് .രുചിഭേദങ്ങളുടെ കലവറയൊരുക്കുന്ന ഇത്തവണത്തെ ഓണസദ്യ ജനങ്ങള്‍ക്ക് നവ്യാനുഭവമാകും.
കൂടുതല്‍ വിവരങ്ങള്‍ക്ക് :
Jaison: 07897 327523
Suraj: 07886 495832
Jabitty: 07791 949041
Sunil: 07875 586874
വേദിയുടെ വിലാസം:
HOLYWELL COMMUNITY CENTRE, CHAFFINCH LANE,
WATFORD,
WD18 9QD
