ഇന്ന് ദുഃഖവെള്ളി. ക്രിസ്തുവിന്റെ പീഡാനുഭവത്തിന്റേയും കുരിശ് മരണത്തിന്റേയും ഓര്‍മ്മ പുതുക്കുകയാണ് ക്രൈസ്തവര്‍. ഇതിന്റെ ഭാഗമായി ദേവാലയങ്ങളില്‍ ഇന്ന് പ്രത്യേക പ്രാര്‍ത്ഥനകളും കുരിശിന്‍േറ വഴിയും ഉണ്ടാകും. പ്രധാന തീര്‍ത്ഥാടന കേന്ദ്രമായ മലയാറ്റൂരില്‍ ഭക്തജന പ്രവാഹമാണ്.
സിറോ മലബാര്‍ സഭ മേജര്‍ ആര്‍ച്ച് ബിഷപ്പ് മാര്‍ റാഫേല്‍ തട്ടില്‍ കോലഞ്ചേരി ക്വീന്‍ മേരീസ് കത്തോലിക്ക പള്ളിയില്‍ തിരുകര്‍മ്മങ്ങള്‍ക്ക് കാര്‍മികത്വം വഹിക്കും. ഓര്‍ത്തഡോക്‌സ് സഭ അധ്യക്ഷന്‍ മാര്‍ത്തോമ മാത്യൂസ് തൃതീയന്‍ കാതോലിക ബാവ വാഴൂര്‍ സെന്റ് പീറ്റേഴ്‌സ് പള്ളിയിലെ ശുശ്രൂഷകള്‍ക്ക് മുഖ്യ കാര്‍മ്മികത്വം വഹിക്കും. യാക്കോബായ സഭ അധ്യക്ഷന്‍ ജോസഫ് പ്രഥമന്‍ കാതോലിക ബാവ മണര്‍കാട് സെന്റ് മേരീസ് പള്ളിയിലെ ചടങ്ങുകളില്‍ പങ്കെടുക്കും.
