യൂകെയിലെ പ്രസിദ്ധമായ മലയാളി ക്രിക്കറ്റ് ക്ലബ്ബായ ചിയേഴസ് ക്രിക്കറ്റ് ക്ലബ് നോട്ടിങ്ങാമിന്റെ ജേഴ്‌സിയുടെ പ്രകാശന കര്‍മ്മം ബഹുമാനപ്പെട്ട കൊല്ലം എം പി യായ എന്‍.കെ പ്രേമചന്ദ്രന്‍ നിര്‍വ്വഹിച്ചു.
കേരളത്തില്‍ നിന്നും ആയിര കണക്കിനു മൈലുകള്‍ താണ്ടി ഇംഗ്ലണ്ടിലെത്തിയിരിക്കുന്ന മലയാളികളുടെ പരസ്പരമുള്ള ഐക്യവും കൂട്ടായ്മകളും സന്തോഷകരവും അഭിമാനകരവുമാണെന്ന് അദ്ദേഹം പറഞ്ഞു.
കോവന്‍ട്രിയിലെ റാമഡ ഹോട്ടലില്‍ വെച്ച് നടന്ന പരിപാടിയില്‍ ചെയര്‍മാന്‍ അശ്വിന്‍ കക്കനാട്ടു ജോസ്, സെക്രടറി ഏബിള്‍ ജോസഫ്, ടീം മാനേജര്‍ മനോജ് പ്രസാദ് തുടങ്ങിയവര്‍ പങ്കെടുത്തു. ടീമിന്റെ പ്രധാന സ്‌പോണ്‍സര്‍മാരായ First Call, Focus Finsure, Accident Solutions, Ideal Solicitors, Sangeeth Restaurant എന്നിവര്‍ക്ക് ക്ലബിന്റെ പേരില്‍ ചെയര്‍മാന്‍ പ്രത്യേക നന്ദി യും കടപ്പാടും രേഖപ്പെടുത്തി
ടീം സംഘടിപ്പിക്കുന്ന ഓള്‍ യു.കെ മലയാളി ടി10 ക്രിക്കറ്റ് ടൂര്‍ണമെന്റ് മെയ് 26-ന് നോട്ടിംഗ്ഹാമില്‍ അരങ്ങേറുന്നതായിരിക്കും. ടൂര്‍ണമെന്റിനൊരുങ്ങിയിരിക്കുന്ന ടീമിന്റെ ജേഴ്സി പ്രകാശനം, കളിക്കാര്‍ക്ക് ആവേശം നിറഞ്ഞ തുടക്കമായി
