തിരുവനന്തപുരം നെടുമങ്ങാട് തേക്കടയില്‍ അമ്മയെ മകന്‍ ചവിട്ടിക്കൊന്നു. തേക്കട സ്വദേശി ഓമനയാണ് (85) കൊല്ലപ്പെട്ടത്. മദ്യലഹരിയില്‍ ആയിരുന്നു കൊലപാതകം. ഓമനയുടെ മകന്‍ മണികണ്ഠനെ വട്ടപ്പാറ പൊലീസ് കസ്റ്റഡിയിലെടുത്തു.
മണികണ്ഠന്റെ ആക്രമത്തില്‍ ഓമനയുടെ ശരീരത്തിന്റെ വിവിധ ഭാഗങ്ങളില്‍ എല്ലുകള്‍ പൊട്ടിയ നിലയിലായിരുന്നു. ഗുരുതരാവസ്ഥയില്‍ ആയിരുന്ന ഓമനയെ മെഡിക്കല്‍ കോളേജില്‍ എത്തിച്ചെങ്കിലും മരിക്കുക ആയിരുന്നു. ഇതിന് മുന്‍പും മണികണ്ഠന്‍ അമ്മയെ മര്‍ദിച്ചിരുന്നതായി നാട്ടുകാര്‍ പൊലീസിനോട് പറഞ്ഞു.
