വീണ്ടും വിവാദത്തിലായി യുട്യൂബര്‍ ടിടിഎഫ് വാസന്‍. അപൂര്‍വ ഇനത്തില്‍പെട്ട പെരുമ്പാമ്പിനെ കയ്യില്‍ ചുറ്റി വാഹനമോടിക്കുന്നതിന്റെ വീഡിയോയിലൂടെയാണ് ഇത്തവണ വാസന്‍ കുരുക്കിലായിരിക്കുന്നത്. ഗതാഗത നിയമം ലംഘിച്ചതിനടക്കം ഒട്ടേറെ കേസുകളില്‍ നേരത്തെ പ്രതിയാണ് വാസം.
അരുമ ജീവിയായി പാമ്പിനെ വളര്‍ത്താന്‍ തീരുമാനിച്ചതായി ഏതാനും ആഴ്ച മുന്‍പ് യുട്യൂബ് വിഡിയോയിലൂടെ വാസന്‍ പ്രഖ്യാപിച്ചിരുന്നു. ഇതിനു പിന്നാലെയാണ് അപൂര്‍വ ഇനത്തില്‍പെട്ട പെരുമ്പാമ്പിനെ കയ്യില്‍ ചുറ്റി വാഹനമോടിക്കുന്നതും കഴുത്തില്‍ അണിയുന്നതും അടക്കമുള്ള ദൃശ്യങ്ങളടങ്ങിയ വിഡിയോ വാസന്‍ പുറത്തിറക്കിയത്.
സംഭവത്തില്‍ കേസെടുത്ത് അന്വേഷണം ആരംഭിച്ചതായി വനംവകുപ്പ് അധികൃതര്‍ പറഞ്ഞു. അപൂര്‍വ ഇനത്തില്‍പെട്ട പാമ്പിനെ എവിടെ നിന്ന് ലഭിച്ചു എന്നതടക്കമുള്ള കാര്യങ്ങളില്‍ അന്വേഷണം ആരംഭിച്ചതായി അധികൃതര്‍ പറഞ്ഞു.
