പൂനെയില്‍ നിന്ന് കാണാതായ മലയാളി സൈനികനെ ബംഗളൂരുവില്‍ നിന്ന് കണ്ടെത്തി. കോഴിക്കോട് എലത്തൂര്‍ സ്വദേശിയായ വിഷ്ണുവിനെയാണ് ഏറെ ദിവസത്തെ തിരച്ചിലിന് ഒടുവില്‍ കണ്ടെത്തിയത്. സാമ്പത്തിക ബുദ്ധിമുട്ട് കാരണം വിഷ്ണു വീട്ടില്‍ എത്താതെ കുറച്ചു ദിവസങ്ങളിലായി പല സ്ഥലങ്ങളിലായി തങ്ങുക ആയിരിക്കുന്നു.
മജെസ്റ്റിക്ക് റെയില്‍വേ സ്റ്റേഷന്‍ പരിസരത്ത് നിന്നാണ് കണ്ടെത്തിയത്. എലത്തൂര്‍ എസ്‌ഐയുടെ നേതൃത്വത്തിലുള്ള നാലം?ഗ പൊലീസ് സംഘത്തിന്റെ അന്വേഷണത്തിനൊടുവിലാണ് ഇപ്പോള്‍ വിഷ്ണുവിനെ കണ്ടെത്തിയിരിക്കുന്നത്. കഴിഞ്ഞ മാസം 17നാണു പൂനെ ആര്‍മി സ്‌പോര്‍ട്‌സ് ഇന്‍സ്റ്റിറ്റ്യൂട്ടില്‍ നിന്നും അവധിക്ക് നാട്ടിലേക്ക് തിരിച്ച വിഷ്ണുവിനെ കാണാന്‍ ഇല്ലെന്ന് പറഞ്ഞ് ബന്ധുക്കള്‍ പരാതി അറിയിച്ചതിനെ തുടര്‍ന്നാണ് അന്വേഷണം ആരംഭിച്ചത്.
