പ്രൊഫഷണല്‍ അലൈന്‍സ് ഓഫ് ഇന്ത്യന്‍ റേഡിയോഗ്രാഫേഴ്‌സ് (PAIR) യുകെയിലെ സൊസൈറ്റി ഓഫ് റേഡിയോഗ്രാഫേഴ്‌സ് (SoR) കീഴില്‍ ഒരു സ്‌പെഷ്യല്‍ ഇന്ററസ്റ്റ് ഗ്രൂപ്പായി (SIG) ആരംഭിച്ചു.
* SoR യുകെയിലെ എല്ലാ റേഡിയോഗ്രാഫേഴ്‌സിനും വേണ്ടി പ്രവര്‍ത്തിക്കുന്ന ഏക ട്രേഡ് യൂണിയനും അംബ്രെല്ലാ സംഘടനയുമാണ്. PAIR യുടെ ആരംഭം, യുകെയിലെ ഇന്ത്യന്‍ റേഡിയോഗ്രാഫേഴ്‌സിന് മറ്റ് റേഡിയോഗ്രാഫര്‍ പ്രൊഫഷണലുകളുമായി ബന്ധപ്പെടാനും, തൊഴില്‍പരമായ പിന്തുണ ലഭിക്കാനും, അക്കാദമി കരിയര്‍ മാര്‍ഗ്ഗനിര്‍ദ്ദേശങ്ങള്‍ ലഭ്യമാക്കുന്നതിനും ഇ പുതിയ പ്ലാറ്റ്‌ഫോം ലക്ഷ്യമിടുന്നു . ക്യാന്‍സര്‍ രോഗ ചികിത്സാരംഗത്ത് പ്രവര്‍ത്തിക്കുന്ന റേഡിയോതെറാപ്പി ടെക്‌നോളജിസ്‌റ്കള്‍, രോഗനിര്‍ണയത്തിന് ആവശ്യമായ എക്‌സ്-റേ, സിറ്റി സ്‌കാന്‍, എംആര്‍ഐ സ്‌കാന്‍, ന്യൂക്ലീര്‍ മെഡിസിന്‍, മാമോഗ്രാഫി തുടങ്ങിയ രംഗത്ത് പ്രവര്‍ത്തിക്കുന്ന ടെക്‌നോളജിസ്റ്റുകള്‍ ആണ് റേഡിയോഗ്രാഫര്‍മാര്‍. ഇന്ത്യയില്‍ നിന്നും ധാരാളം പ്രൊഫഷണലുകള്‍ ഈ രംഗത്ത് ഗ്രേറ്റ് ബ്രിട്ടനില്‍ ജോലിചെയ്യുന്നുണ്ട്. ഈ രംഗത്ത് ജോലി നേടുവാന്‍ യുകെയിലെ അംഗീകൃത റെഗുലേറ്റിങ്ങ് ഏജന്‍സിയായ HCPC യുടെ ലൈസന്‍സിംഗ് നേടേണ്ടതുണ്ട്. HCPC ലൈസന്‍സിംഗ് നേടുന്ന അന്താരാഷ്ട്ര അപേക്ഷ അപേക്ഷകരുടെ എണ്ണം ഈ അടുത്തകാലത്ത് വളരെയധികം വര്‍ദ്ധിച്ചിട്ടുണ്ട്.
* PAIR ന്റെ പ്രധാന ലക്ഷ്യങ്ങള്‍: *പ്രൊഫഷണല്‍ ഡെവലപ്‌മെന്റ്: അംഗങ്ങള്‍ക്ക് അവരുടെ കഴിവുകളും അറിവുകളും മെച്ചപ്പെടുത്താന്‍ സഹായിക്കുന്ന റിസോഴ്‌സുകള്‍, വര്‍ക്ക്ഷോപ്പുകള്‍, ഇവന്റുകള്‍ എന്നിവ നല്‍കുന്നു.
* ഇന്ത്യന്‍ റേഡിയോഗ്രാഫേഴ്‌സിന്റെ അവകാശങ്ങള്‍ക്കും താല്‍പ്പര്യങ്ങള്‍ക്കും വേണ്ടി പ്രവര്‍ത്തിക്കുക.
* നെറ്റ്വര്‍ക്കിംഗ് ആന്‍ഡ് മെന്റര്‍ഷിപ്പ്: അംഗങ്ങള്‍ക്ക് അനുഭവങ്ങള്‍ പങ്കിടാനും ശക്തമായ പിന്തുണാ നെറ്റ്വര്‍ക്ക് നിര്‍മ്മിക്കാനും അവസരം നല്‍കുന്നു.
* ഇന്ത്യന്‍ റേഡിയോഗ്രാഫേഴ്‌സിന്റെ പ്രത്യേക സംഭാവനകളെ പ്രോത്സാഹിപ്പിക്കുന്നു
* PAIR നിലവില്‍ റേഡിയോഗ്രാഫി പ്രൊഫഷനില്‍ യുകെയില്‍ ജോലി ആഗ്രഹിക്കുന്ന റേഡിയോഗ്രാഫേഴ്‌സിനുള്ള കരിയര്‍ മാര്‍ഗ്ഗനിര്‍ദ്ദേശങ്ങളും നല്‍കിവരുന്നു.
* കൂടുതല്‍ വിവരങ്ങള്‍ക്കും, PAIR കോണ്‍ടാക്ട് ചെയ്യുന്നതിനും താഴെപ്പറയുന്ന ന്യൂസ് ലിങ്ക് സന്ദര്‍ശിക്കുക. https://www.sor.org/news/professionalism/pair-launches-as-sor-special-interest-group
