കേംബ്രിഡ്ജ് : യു കെ യിലെ മലയാളി കലാഹൃദയങ്ങളില്‍ ചിരപ്രതിഷ്ഠ നേടുകയും, സീസണ്‍ 8 ന് ആവേശപൂര്‍വ്വം കാത്തിരിക്കുകയും ചെയ്യുന്ന സെവന്‍ ബീറ്റ്സ് സംഗീതോത്സവത്തിനു ഇനി പത്തുനാള്‍. കേംബ്രിഡ്ജ് സിഎംഎ യുമായി കൈകോര്‍ക്കുന്ന എട്ടാമത് വാര്‍ഷീക സംഗീത-നൃത്തോത്സവ വേദിയായ നോര്‍ത്ത്ഹാള്‍ സ്‌കൂള്‍ ഹാളില്‍ ഫെബ്രുവരി 22 ന് ശനിയാഴ്ച സംഗീത-നൃത്തനിശക്ക് അരങ്ങേറും. തികച്ചും സൗജന്യമായി പ്രവേശനം അനുവദിക്കുന്ന സെവന്‍ ബീറ്റ്സ് സംഗീതോത്സവത്തിന്റെ ഒരുക്കങ്ങള്‍ കേംബ്രിഡ്ജില്‍ പൂര്‍ത്തിയായതായി സംഘാടകര്‍ അറിയിച്ചു.
മലയാള ഭാഷയ്ക്കു നിരവധി നിത്യ ഹരിത ഗാനങ്ങള്‍ സമ്മാനിച്ച അന്തരിച്ച പത്മഭൂഷണ്‍ ഓ എന്‍ വി കുറുപ്പ് മാഷിന്റെ അനുസ്മരണവും, അദ്ദേഹത്തിന്റെ ശ്രദ്ധേയമായ നിരവധി ഗാനങ്ങള്‍ കോര്‍ത്തിണക്കി പാവന സ്മരണയും, സംഗീതാദരവും സെവന്‍ ബീറ്റ്‌സിന്റെ വേദിയില്‍ വെച്ച് ആരാധകവൃന്ദത്തോടൊപ്പം സമര്‍പ്പിക്കും.
മലയാളികളുടെ ഭാവ ഗായകനും മലയാളത്തിന് പുറമെ തമിഴ്, കന്നഡ, തെലുങ്ക്, ഹിന്ദി ഭാഷകളിലായി പതിനാറായിരത്തില്പരം അവിസ്മരണീയ ഗാനങ്ങള്‍ സംഗീത ലോകത്തിന് സമ്മാനിക്കുകയും ചെയ്ത വിടപറഞ്ഞ പി ജയചന്ദ്രന്‍ സാറിനും സംഗീതോത്സവ വേദിയില്‍ വെച്ച് പാവന അനുസ്മരണവും, ബാഷ്പാഞ്ജലിയും നേരും.
സദസ്സിന് മധുരഗാനങ്ങള്‍ ആവോളം ശ്രവിക്കുവാനും, നൃത്ത-നൃത്ത്യങ്ങളുടെ വശ്യസുന്ദരവും, ചടുലവുമായ മാസ്മരികത വിരിയിക്കുന്ന അരങ്ങില്‍, സദസ്സിനെ അത്ഭുതസ്തബ്ധരാക്കുന്ന വ്യത്യസ്ത കലാപ്രകടനങ്ങളും ആസ്വദിക്കുവാനുള്ള സുവര്‍ണ്ണാവസരമാവും വേദി സമ്മാനിക്കുക. കുട്ടികള്‍
ഇദംപ്രദമായി ചേര്‍ന്നൊരുക്കുന്ന 'ലൈവ് ബാന്‍ഡ്' ആകര്‍ഷകമാവും.
ചാരിറ്റി പ്രവര്‍ത്തനങ്ങളിലൂടെ കേരളത്തില്‍ നിരവധി കുടുംബങ്ങള്‍ക്ക് താങ്ങും തണലുമായി മാറിയ സെവന്‍ ബീറ്റ്സ്, ജീവ കാരുണ്യ പ്രവര്‍ത്തനത്തിനായാണ് സംഗീതോത്സവ വരുമാനം ഉപയോഗിക്കുക.
സെവന്‍ ബീറ്റ്സ്-സി എം എ കേംബ്രിഡ്ജ് സംയുക്ത സംഗീത-നൃത്ത കലാനിശ അതിസമ്പന്നമായ ദൃശ്യ-ശ്രവണ കലാവിരുന്നാവും ആസ്വാദകര്‍ക്കായി ഒരുക്കുക. യു കെ യിലുള്ള ഏറ്റവും പ്രഗത്ഭരായ സംഗീത നൃത്ത താരങ്ങളുടെ സര്‍ഗ്ഗാല്‍മക പ്രതിഭയുടെ ആവനാഴിയിലെ ഏറ്റവും മികച്ച പ്രകടനങ്ങള്‍ വേദിയില്‍ പുറത്തെടുക്കുമ്പോള്‍ ഉള്ളു നിറയെ ആനന്ദിക്കുവാനും, ആസ്വദിക്കുവാനുമുള്ള ഒരു മെഗാ കലാ വിരുന്നാവും കേംബ്രിഡ്ജില്‍ ഒരുങ്ങുക.
സംഗീത വിരുന്നും, സംഘാടക മികവും, ഒപ്പം ജീവ കാരുണ്യ പ്രവര്‍ത്തനവും കൊണ്ട് യൂകെ മലയാളികള്‍ ഹൃദയത്തിലേറ്റിയ സെവന്‍ ബീറ്റ്സ് സംഗീതോത്സവം അതിന്റെ സീസണ്‍ 8 ന്റെ ഭാഗമാകുവാന്‍ ഏവരെയും ഹൃദയപൂര്‍വ്വം ക്ഷണിച്ചുകൊള്ളുന്നു.
കൂടുതല്‍ വിവരങ്ങള്‍ക്ക് ബന്ധപ്പെടുക:
Abraham Lukose: 07886262747
Sunnymon Mathai:07727993229
Jomon Mammoottil:07930431445
Manoj Thomas:07846475589
Appachan Kannanchira: 07737 956977
Venue: The Netherhall School , Queen Edith's Way, Cambridge, CB1 8NN
Please register through the link below to secure the free entry
https://docs.google.com/forms/d/1UQXM4UdjoT7boyyem0WYNHdt3QV0czzwJpILCoIPr7s/edit?usp=drivesdk
